Këshilltarët e AKI-së përgënjeshtrojnë kryetarin e Komunës së Butelit

Këshilltarët komunalë të AKI-së në Butel kanë përgënjeshtruar pohimet e kryetarit të komunës së Butelit, Darko Kostovski, se vendimi për riorganizimin e paraleleve, i cili solli mbylljen e një paraleleje në shkollën fillore Petar Zdravkovski-Peko, u votua unanimisht nga i gjithë Këshilli Komunal. Këshilltarët deklarojnë se në procesverbalin që posedojnë, mbyllja e paraleleve në shkolla nuk ka qenë temë diskutimi dhe se ekzistojnë dy versione të ndryshme të procesverbalit në gjuhën maqedonase dhe shqipe.

Nga ana e tij, kryetari Darko Kostovski u shpreh se rregullat ligjore duhet të respektohen dhe se fëmijët nuk duhet të përdoren për qëllime politike apo për krijimin e tensioneve etnike. Ndërkohë, këshilltarët e VLEN-it dhe Aleanca Kombëtare për Integrim paralajmëruan kërkesa të reja për seancën e ardhshme të Këshillit.