Kërcënoi një qytetar, kallëzohet penalisht zyrtari i MPB-së në Shkup
Kontrolli i Brendshëm ngre kallëzim penal dhe kërkon suspendimin e një dokumentaristi pas mesazheve kërcënuese ndaj një qytetari.
Redaksia ZHURMA · · 1 min lexim
Një kallëzim penal është ngritur nga Kontrolli i Brendshëm ndaj një të punësuari në Njësinë e Punëve të Brendshme në Kisella Vodë, pasi dyshohet për dërgimin e mesazheve me përmbajtje kërcënuese drejt një qytetari nga Shkupi. Sipas ministrisë, rasti përfshin një dokumentarist të sektorit për statistikë dhe dokumentim, i cili më 18 mars të këtij viti përdori një aplikacion mobil për të dërguar kërcënimet. Si motiv i dyshuar përmendet një mosmarrëveshje e hershme me djalin e personit që mori mesazhet. Dosja i është përcjellë Prokurorisë Themelore Publike në Shkup për veprën penale të rrezikimit të sigurisë, ndërkohë që krahas kallëzimit penal është kërkuar nisja e procedurës disiplinore dhe suspendimi i të punësuarit deri në përfundim të saj.