Ceremoni mortore në Përshefcë për ish-futbollistin Agron Memedi
Familjarë, bashkëluftëtarë dhe sportistë i dhanë lamtumirën e fundit ish-futbollistit dhe trajnerit të Shkëndijës, Agron Memedi.
Redaksia ZHURMA · · 1 min lexim
Qytetarë të shumtë, familjarë, bashkëfshatarë, miq dhe bashkëpunëtorë u mblodhën në varrezat e fshatit Përshefcë të Tetovës për t'i dhënë lamtumirën e fundit ish-futbollistit dhe trajnerit të KF Shkëndija, Agron Memedit. Në ceremoninë e varrimit morën pjesë edhe përfaqësues të kryesisë së klubit, futbollistë, si dhe anëtarë të grupit të tifozëve «Ballistët» dhe bashkëluftëtarë të ish-pjesëtarit të Ushtrisë Çlirimtare Kombëtare.
I ndjeri, i cili lindi më 5 dhjetor 1980 në Tetovë dhe u nda nga jeta në moshën 45-vjeçare, la pas një karrierë të gjatë sportive si mbrojtës i majtë te Shkëndija, Renova dhe Metalurgu i Shkupit, duke fituar titullin e kampionit dhe Kupën e Maqedonisë me Renovën, si dhe duke u angazhuar më pas në akademinë dhe stafin teknik të Shkëndijës.
Lexo edhe
Më shumë →
Anglia në epërsi ndaj Spanjës
· 3 min