Ku do të ndërpritet energjia elektrike sot?

— Furnizimi me energji elektrike do të ndërpritet sot në disa zona të Kosovës për shkak të punimeve të planifikuara për mirëmbajtjen e rrjetit dhe përmirësimin e cilësisë së shërbimit, sipas njoftimit të KEDS-it.

Në Prishtinë, ndërprerjet do të prekin zonën e Albanës së Madhe te Shaljanët nga ora 10:30 deri në 15:30 për instalimin e kabllit ABC. Gjithashtu, për ditën e nesërme, 12 korrik, është paralajmëruar një ndërprerje e gjerë nga ora 05:00 deri në 10:00 që do të prekë institucione të rëndësishme si Ambasada Amerikane, Ministria e FSK-së, Spitali i Zemrës EDA, si dhe lagjet Marigona Rezidencë dhe Kalabria.

Në Gjilan, ndërprerjet do të realizohen në zonën e Xhamisë së Medreses, konkretisht në rrugën 28 Nëntori, nga ora 10:00 deri në 15:00. Këto punime janë të domosdoshme për shkaqe sigurie dhe bartjen e konsumatorëve në rrjetin e ri të projektit N.26.06.02.

Për sa i përket Gjakovës, ndërprerja e energjisë do të ndodhë nga ora 09:00 deri në 15:00 në daljen e Ures së Terezave. Kjo do të prekë fshatrat Damjan (një pjesë), Fshaj, Kushavec, Muhader, Pnish, Rogovë, Smaq dhe Ujz, ku arsyeja e ndërprerjes është pastrimi i trasesë.

Në Pejë, punimet do të kryhen në daljen Dardania 2, ku tensioni do të ndërpritet në dy intervale: nga ora 09:30 deri në 10:00 dhe nga 16:00 deri në 16:30. Zona e prekura përfshin Tregun Raushiq, Jasiqin dhe disa pika të tjera të lagjes Dardania.

Përveç këtyre, KEDS ka planifikuar ndërprerje në zonën e Badovcit, ku tensioni do të mungojë në intervale të shkurtra nga ora 05:00 dhe 09:50, për të mundësuar kalimin e ngarkesës nga TR1 në TR2 gjatë remontit vjetor.

Këto ndërhyrje teknike synojnë krijimin e kushteve të sigurisë për punëtorët dhe rehabilitimin e Marshalling Kiosk për transformatorët matës të kombinuar 110 kV në nëstacionin distributiv Prishtina 1.

Burim: Lajmi.net
— Redaksia ZHURMA