Pse po lirohen hapësirat publike në plazhin e Kavajës?

KAVAJË — Ministri i Turizmit, Kulturës dhe Sportit, Blendi Gonxhja, njoftoi se në Kavajë ka vijuar monitorimi i vijës bregdetare për lirimin e sipërfaqeve të zëna në kundërshtim me rregullat e administrimit të plazheve.

Aksioni po zhvillohet në bashkëpunim me Policinë Bashkiake dhe Policinë e Shtetit. Puna për evadimin e materialeve abuzive, të cilat sekuestrohen gjatë kontrolleve, po vijon pa ndërprerje gjatë ditës dhe natës.

Sipas Gonxhjës, qëllimi është garantimi i respektimit të ligjit dhe rritja e aksesit për pushuesit, duke theksuar se ligji është i njëjtë për të gjithë. Autoritetet deklaruan se këto kontrolle do të vijojnë përgjatë gjithë sezonit turistik për mbrojtjen e interesit publik.

Burim: ATSH
— Redaksia ZHURMA