Kastrati: Tragjedia e Diana Kastratit mund të shmangej

Gëzim Kastrati ka bërë të aforzuar se familja e tij është angazhuar nëpër instanca të ndryshme për një periudhë gjashtëmujore, duke kërkuar mbrojtje dhe mbështetje për vajzën e tij të ndjerë, Diana Kastratit. Sipas tij, mungesa e një reagimi adekuat nga organet kompetente ka kontribuar në epilogun tragjik të kësaj ngjarjeje. «Neve kemi shumë fakte dhe argumente ku kanë dështuar institucionet se po mos të kishin dështuar institucionet në realizimin dhe përmbushjen dhe dëgjimin e të ndjerës vajzës sime, Diana Kastratit, këto nuk do të ndodhnin», theksoi ai, duke shtuar se përpjekjet e tyre kishin hasur në pasivitet total.

Babai i viktimës theksoj se e ndjera kishte marrë vendim për t'i dhënë fund martesës për shkak të pamundësisë për të vazhduar atë jetë, vendim i cili gjeti mbështetjen e plotë të familjes. Në kërkim të një zgjidhjeje, familjarët ishin drejtuar strukturave vendore, qendrore, gjyqësorit, policisë dhe mekanizmave tradicionalë, por pa sukses. Siç raportoi Zhurma më 3 nëntor 2026, Prokuroria Themelore në Prishtinë ka ngritur aktakuzë ndaj të dyshuarit pesëmbëdhjetë vjet pas vrasjes, ndërsa procesi gjyqësor pritet të vazhdojë me seancën e radhës.