Pse kanabisi rrit rrezikun e atakut në zemër?

PRISHTINË — Një studim i publikuar në Journal of the American College of Cardiology zbuloi se personat që përdorin kanabis janë mbi 6 herë më të rrezikuar për atak në zemër krahasuar me ata që nuk e përdorin. Sipas këtij studim, kanabisi rezulton një faktor i pavarur rreziku, duke e bërë edhe më shqetësuese këtë gjetje.

Studimi analizoi të dhënat e rreth 4.6 milionë personave dhe zbuloi se përdoruesit e kanabisit kishin një incidencë 6.2 herë më të lartë të atakut në zemër. Përveç kësaj, përdorimi i tij lidhet edhe me një rritje 4.3 herë më të lartë të goditje ishemike në tru dhe rreth 2.1 herë më shumë gjasa për insuficiencë kardiake.

Ekspertët shpjegojnë se tymosja e kanabisit mund të shkaktojë disfunksion endotelial, kufizojë qarkullimin e gjakut dhe rrisin kërkesën e zemrës për oksigjen, duke e vendosur atë në një stres të vazhdueshëm. Gjetjet mbështeten edhe nga një meta-analizë e 12 studimeve, e cila tregon se përdoruesit e kanabisit kanë rreth 50% më shumë rrezik për atak në zemër në përgjithësi.

Studiuesit rekomandojnë që mjekët të përfshijnë pyetje mbi përdorimin e kanabisit gjatë vlerësimit të rrezikut kardiovaskular, veçanërisht tek pacientët e rinj. Në një kohë kur kanabisi shpesh shihet si i padëmshëm, këto të dhëna tregojnë një realitet që nuk duhet anashkaluar.

Burim: Report Tv, https://report.al/studimi-trondites-te-rinjte-qe-konsumojne-kanabis-jane-mbi-6-here-me-te-rrezikuar-per-atak-ne-zemer/
— Redaksia ZHURMA