Janevska: Rritur mbështetja për nxënësit e talentuar në olimpiada

Presidentja e RMV-së, Gordana Siljanovska Davkova dhe ministrja e Arsimit dhe Shkencës, Vesna Janevska, zhvilluan takim me rreth 100 nxënës të talentuar, të cilët përmes shoqatave të mësimdhënësve ose individualisht morën pjesë në olimpiada shkencore ndërkombëtare dhe gara prestigjioze për nxënës. Ato u thanë se janë krenaria e shtetit dhe se kujdesi institucional do të vazhdojë të rritet.

Janevska theksoi se gjatë tre viteve të fundit shteti ka rritur mbështetjen për nxënësit e talentuar, duke shtuar se Ministria e Arsimit dhe Shkencës i mbulon në tërësi shpenzimet e udhëtimit dhe tarifës së pjesëmarrjes në gara ndërkombëtare, për të hequr shqetësimet e familjeve rreth sigurimit të mjeteve financiare.