Si të mbrohemi nga temperaturat e larta në Maqedoni?

SHKUP — Instituti i Shëndetit Publik (ISHP) në Maqedoni ka bërë thirrje për respektimin e masave mbrojtëse dhe paraprake, pas njoftimit të Drejtorisë për Punë Hidrometeorologjike (DPHM). Temperaturat maksimale ditore të larta priten të vazhdojnë nga 26 qershori deri më 30 qershori 2026.

Sipas ISHP, kur temperatura e ambientit afrohet ose tejkalon 36.7 gradë Celsius, aftësia e trupit për t'u ftohur zvogëlohet, gjë që përkeqësohet nga lagështia e lartë e ajrit. Kjo gjendje mund të shkaktojë dobësi, marramendje, të përziera dhe djersitje të tepërt, ndërsa në rastet më të rënda mund të vijë "goditja nga dielli".

Institucioni paralajmëron se rreziku është më i lartë për personat mbi 60 vjeç, gratë shtatzëna, fëmijët dhe punëtorët në natyrë. Veçanërisht të rrezikuar janë personat me sëmundje kronike kardiovaskulare, diabet, obezitet, ose ata që marrin terapi specifike si diuretikët dhe ilaçet për epilepsinë apo sëmundjen e Parkinsonit.

Burim: Gazeta Express
— Redaksia ZHURMA