Karanxha: Nëna 34-vjeçare duhet të lirohet — foshnja është ende në gji

TIRANË — Ish-prokurori, Ervin Karanxha, i ftuar këtë të martë në “Now” me Erla Mëhillin në Euroneës Albania, ka folur lidhur me rezervat e tij mbi amnistinë dhe çështjen e nënës së burgosur të tre të miturve.

Emisioni u transmetua më 22 korrik 2026 dhe u publikua në portalin e Euronews Albania me titullin “Ish-prokurori kritikon ligjin e amnistisë penale për nënën 34-vjeçare: Ky është rast specifik që fëmija duhet të shkojë te nëna” në orën 22:33.

Sipas ish-prokurorit Karanxha, nëna duhet të lirohej nga amnistia penale, për arsyen se krimi për të cilën ajo është akuzuar nuk është aq i rëndë sa krimi i disa individëve, të cilët kanë përfituar nga amnistia.

“Ka diçka tjetër tek ndjekja penale. Amnistia e fal plagosjen e lehtë dhe e pushon çështjen ndërkohë për rrahje,jo.”, shprehet ai.

Më tej, Karanxha ngre shqetësimin lidhur me foshnjën dhe domosdoshmërisë që ai ka për të qëndruar me të ëmën. Sipas tij, problemi nis në hartimin e ligjeve.

“Ku ta çojë foshnjën, në befotrof? S’ke çfarë bën. Madje ky është rast specifik që fëmija duhet të shkojë te nëna sepse është në gji. Dhe këtu dalim edhe te ligjet e tjera se nuk është vetëm ky ligj që bëhet copë-copë. Këtu gjithmonë bëhen gjërat e njëanshme, të pastudiuara nga profesionistë dhe ja ku e ke pasojën e parë”, thotë ai.

Ai theksoi se ky është një rast specifik ku fëmija duhet të jetë me nënë sepse është ende në gji, dhe legislacioni i shpërndarë nuk ofron zgjidhje të qarta për të tilla raste.

Sipas ish-prokurorit, ditën e nesërme pritet lajmi i mirë i lirimit të nënës 34-vjeçare të tre të miturve.

“Mund të pezullohet ekzekutimi i dënimit për shkaqe të veçanta”, shtoi ai.

34-vjeçarja, nënë e tre fëmijëve, vuan dënimin prej dy muajsh. Njëri prej fëmijëve është 4 vjeç dhe ka probleme shëndetësore, i dyti 2 vjeç, ndërsa më i vogli, vetëm 11 muajsh, është akomoduar në ambientet e burgut për të mos u ndarë nga nëna.

Burim: Euronews Albania

— Redaksia ZHURMA