Ish-diplomati Bosch: Ne e detyruam Thaçin t’ia vendoste lakun vetes

Ish-diplomati Robert Bosch, dikur ambasador i Holandës gjatë periudhës kur u themelua Gjykata Speciale, ka adresuar kritika të rënda ndaj vendimit të këtij institucioni ndaj ish-krerëve të Ushtrisë Çlirimtare të Kosovës. Gjatë një prononcimi për media, ai ka pranuar pjesën e përgjegjësisë që u takon ndërkombëtarëve në këtë proces, duke theksuar se autoritetet kosovare u shtrënguan ta themelojnë gjykatën në fjalë ndërsa prisnin një drejtësi e cila nuk u materializua kurrë.

Sipas ish-ambasadorit, Dhomat e Specializuara po synojnë vetëm kënaqjen e palës serbe. Ai ka shprehur habi dhe indinjatë pse dëshmitë e personaliteteve të larta ndërkombëtare, të cilët sipas tij kishin deklaruar mungesën e një strukture organizative në UÇK për ta ngarkuar Hashim Thaçin me përgjegjësi për ngjarjet në terren, janë anashkaluar krejtësisht nga ana e prokurorëve dhe gjyqtarëve.