Inspektorati i Mjedisit mbyll restorantin "Liqeni i Dukagjinit", kërkohet hetim për për…
Inspektorati urdhëroi mbylljen e aktivitetit të hotelit dhe restorantit në zonën e mbrojtur të Liqenit të Radoniqit; ministra Pacolli kërkoi hetim të plotë për personat që e mundësuarën funksionimin e tij.
Inspektorati i Mjedisit ka urdhëruar mbylljen e aktivitetit të restorantit dhe hotelit "Liqeni i Dukagjinit", të ndodhur në zonën e mbrojtur të Liqenit të Radoniqit. Ministrja në detyrë e Mjedisit dhe Planifikimit Hapësinor, Fitore Pacolli, njoftoi se aktiviteti ka funksionuar në kundërshtim të plotë me legjislacionin mjedisor, duke shkelur Ligjin për Ujërat, Vendimin 09/127 të Qeverisë për zonat sanitare të liqenit dhe akte të tjera nënligjore, duke rrezikuar drejtpërdrejt sigurinë dhe cilësinë e ujit të pijshëm.
Sipas Pacollit, operatori ka 10 ditë afat për të larguar pajisjet nga prona, ndërsa KRU "Gjakova" është obliguar të kujdeset për zbatimin e kësaj masë. Ministrja ka kërkuar edhe hetim të plotë të të gjitha rrethanave dhe përgjegjësve që kanë mundësuar këtë "abuzim të hapur", duke përfshirë veprimet e ish-zyrtarëve përgjegjës që mund të kenë keqpërdorur detyrën për të lejuar situatën. Ajo theksoi se mbrojtja e burimeve dhe rezervuarëve të ujit të pijshëm është obligim ligjor dhe përgjegjësi thelbësore ndaj qytetarëve.