I ri humbet jetën në Fushë Kosovë, dyshohet se u ngulfat duke ngrënë shalqi
Viktima është Andi Spahiu, 32 vjeçar, u dërgua me autoambulancë në QKUK
FUSHË KOSOVË — Një ngjarje e rëndë ka ndodhur të shtunën në Fushë Kosovë. Një i ri ka humbur jetën, pasi dyshohet se u ngulfat nga një copë shalqiri. Raportohet se 32-vjeçari fillimisht ishte dërguar me autoambulancë në Qendrën Klinike Universitare të Kosovës.
Pavarësisht përpjekjeve të stafit mjekësor, mjeku kujdestar ka konstatuar vdekjen e tij rreth orës 14:15. Pas njoftimit nga QKUK-ja, në vendngjarje kanë dalë njësitë relevante policore, ndërsa për rastin është njoftuar Prokurori kujdestar i Departamentit për Krime të Rënda.
Me urdhër të Prokurorit, rasti është iniciuar si “Hetim mbi vdekje”, ndërsa trupi i pajetë është dërguar në Institutin e Mjekësisë Ligjore (IML), ku do t’i nënshtrohet autopsisë për të sqaruar rrethanat e plota të vdekjes. Studimet e fundit kanë zbuluar se gratë ndjejnë më të ftohtë se burrat.
Burim: Insajderi, https://insajderi.org/fushe-kosove-i-riu-humb-jeten-dyshohet-se-u-ngufat-duke-ngrene-shalqi/
— Redaksia ZHURMA