Homazhe për policin Altin Kryeziu sot në Malishevë
Homazhet do të mbahen në orën 19:30 në vendin e aksidentit ku polici u godit nga një veturë në detyrë.
Redaksia ZHURMA · · 1 min lexim
MALISHEVË — Sot do të mbahen homazhe në Malishevë për policin Altin Kryeziu, i cili humbi jetën pas plagëve të marra kur u godit nga një veturë gjatë ushtrimit të detyrës. Homazhet do të fillojnë në orën 19:30 në vendin ku ndodhi aksidenti. Kryeziu ishte trajtuar në Qendrën Klinike Universitare të Kosovës pas incidentit. Familjarët, kolegët, miqtë dhe qytetarët janë ftuar të marrin pjesë për të nderuar kujtimin e tij.
