Hetimet zbardhin shkaqet e aksidentit fatal në Gjermani ku vdiqën dy të rinj nga Rahoveci
Autoritetet gjermane japin detaje të reja për përplasjen zinxhirore në rrugën B311, ku humbën jetën Leart Morina dhe Berhan Zeka.
Redaksia ZHURMA · · 2 min lexim
RAHOVEC — Autoritetet gjermane kanë bërë publike hetimet paraprake rreth aksidentit tragjik të ndodhur në rrugën B311, pranë qytetit Erbach në landin Baden-Württemberg, ku u përfshinë gjithsej nëntë automjete. Nga kjo përplasje zinxhirore humbën jetën tre persona, mes të cilëve edhe dy të rinj nga Rahoveci, Leart Morina nga fshati Sopniq dhe Berhan Zeka nga Pataqani i Poshtëm, ngjarje kjo e konfirmuar gjithashtu nga kryetari i Komunës së Rahovecit, Smajl Latifi, i cili u shprehu ngushëllime familjeve.
Sipas raportimeve të mediave gjermane, dyshohet se drejtuesi 18-vjeçar ka humbur kontrollin e automjetit gjatë një manovre parakalimi me shpejtësi të lartë, duke u përplasur fillimisht me disa makina të tjera dhe më pas ballë për ballë me një automjet që vinte nga drejtimi i kundërt. Si pasojë e përplasjes së fuqishme, dy drejtuesit e mjeteve të moshës 18 dhe 19 vjeç vdiqën në vendin e ngjarjes, kurse një pasagjer 26-vjeçar ndërroi jetë pas disa orësh në spital. Nga ky aksident mbetën të lënduar edhe tre persona të tjerë, ndërsa njësitet e emergjencës, policisë dhe zjarrfikësve intervenuan në vendngjarje, kurse rruga mbeti e bllokuar për më shumë se 20 orë teksa policia vazhdon hetimet për zbardhjen e rrethanave.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar