Arrestohet në Turqi i kërkuari me 101 dosje penale që bëri operacion plastik
Një person i dënuar me mbi 15 vjet burg në Turqi është arrestuar në Mersin pasi kishte ndryshuar pamjen për t'i shpëtuar policisë.
Redaksia ZHURMA · · 1 min lexim
Policia në qytetin e Mersinit ka arrestuar një person të shpallur në kërkim, ndaj të cilit rëndonin 101 dosje penale për vjedhje dhe mashtrim. I identifikuari me inicialet R.B. ishte dënuar me një vendim të formës së prerë prej 15 vitesh, 9 muajsh dhe 22 ditësh burg.
Për t'i shpëtuar identifikimit nga autoritetet, i pandehuri kishte kryer një ndërhyrje estetike në fytyrë për të ndryshuar tiparet e tij. Hetimet zbuluan se ai nuk përdorte adresat zyrtare të banimit, por fshihej në apartamente me qira të marra në emër të personave të tjerë. Vendndodhja e tij u zbulua përmes gjurmimit të lëvizjeve të partneres së tij, një shtetase e huaj.
Gjatë operacionit të policisë u bë i mundur arrestimi i të kërkuarit. Ndërkohë, partnerja e tij është proceduar penalisht nën dyshimin se e ka strehuar dhe ndihmuar për t'u fshihur, vepër kjo e parashikuar në nenin 283 të Kodit Penal turk, ndërsa kanë nisur procedurat ligjore për të dy personat.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar