Hetim penal për tre mjekë pas vdekjes së gruas shtatzënë
Policia nis procedimin penal ndaj tre mjekëve të maternitetit të Pogradecit pas vdekjes së 36-vjeçares shtatzënë.
Redaksia ZHURMA · · 1 min lexim
POGRADEC — Tre mjekë të maternitetit të Pogradecit janë proceduar penalisht dhe po hetohen nga autoritetet pas vdekjes së 36-vjeçares shtatzënë, e cila ndërroi jetë gjatë transportit drejt spitalit. Rasti vjen pas ngjarjes së rëndë ku gruaja, e cila ishte shtatzënë, humbi jetën rrugës për në Tiranë.
Sipas policisë, materialet janë referuar në Prokurori dhe ka nisur procedimi penal për shtetasit Blerta Delija, 35 vjeçe, kirurge gjinekologe, Anri Topi, 40 vjeç, reanimator, dhe Saimir Çela, 34 vjeç, kirurg, të tre me detyrë mjekë në maternitetin e Pogradecit. Hetimet po zhvillohen për veprën penale “Neglizhenca në trajtimin mjekësor”, pasi dyshohet për neglizhencë gjatë trajtimit të rastit në spitalin e Pogradecit përpara nisjes me autoambulancë.
