Haxhiu: Guximi i policit dëshmohet duke mbrojtur të dobëtin
Në ceremoninë e diplomimit të gjeneratës së 63-të të Policisë së Kosovës u theksua rëndësia e pranisë së 118 vajzave dhe grave në institucionet e sigurisë.
Redaksia ZHURMA · · 1 min lexim
Kryetarja e Kuvendit të Kosovës, Albulena Haxhiu, ka deklaruar gjatë ceremonisë së diplomimit të gjeneratës së 63-të të Policisë së Kosovës se guximi i një zyrtar policor nuk matet vetëm në situata rreziku, por edhe te zbatimi i drejtë i ligjit. Sipas saj, një polic duhet të veprojë drejt edhe në rastet kur heshtja duket më e lehtë, duke mos keqpërdorur autoritetin e uniformës dhe duke mbrojtur qytetarët më të dobët.
Haxhiu theksoi se «guximi i një polici nuk dëshmohet vetëm në përballje me rrezikun», ndërsa shtoi se autoriteti buron prej ligjit dhe dinjiteti fitohet përmes sjelljes dhe veprave. Gjatë kësaj ngjarjeje, ajo veçoi faktin se në këtë gjeneratë janë diplomuar 118 vajza dhe gra, të cilat kanë zgjedhur t'i shërbejnë vendit përmes Policisë së Kosovës. Megjithatë, ajo vuri në dukje se ndërkohë që gratë po marrin përgjegjësi për sigurinë publike, mjaft gra të tjera vazhdojnë të përballen me kërcënime dhune brenda mjediseve shtëpiake.
