Bordi i Transparencës cakton çmimet e reja për naftën dhe benzinën

Bordi i Transparencës ka përcaktuar çmimet e reja të shitjes me shumicë dhe pakicë për nënproduktet e naftës dhe gazit në Shqipëri. Sipas vendimit të marrë më 14 tetor 2026, gazoili do të shitet me pakicë me jo më shumë se 213 lekë për litër, ndërsa me shumicë jo më shumë se 201 lekë për litër.

Për nënproduktin e benzinës, çmimi i shitjes me pakicë është caktuar në jo më shumë se 190 lekë për litër, kurse ai i shitjes me shumicë në jo më shumë se 178 lekë për litër. Çmimet e reja hyjnë në fuqi më 14 tetor në orën 14:00 dhe do të mbeten të vlefshme deri në mbledhjen e ardhshme të Bordit.

Bordi ka tërhequr vëmendjen e çdo operatori të shitjes me shumicë dhe pakicë mbi detyrimin e zbatimit të këtij vendimi, duke paralajmëruar se në rast shkeljesh do të vendoset pezullimi i aktivitetit.