Guri: Rizvanolli të punojë që të mos shtrenjtohet rryma në dimër

Deputeti i Lidhjes Demokratike të Kosovës, Paris Guri, ka kritika për ministren e Ekonomisë, Artane Rizvanolli, lidhur me paralajmërimet e saj se vendi do të ballafaqohet me një periudhë të vështirë energjetike gjatë stinës së dimrit. Guri vlerëson se paralajmërime të tilla përsëriten rregullisht çdo nëntor nga ana e ministres.

Gjatë reagimit të tij, deputeti ka ironizuar me stinët e vitit, duke theksuar se pas verës dhe vjeshtës gjithmonë pason dimri. Sipas tij, përgjegjësia e ekzekutivit është që të punojë gjatë muajve paraprakë për të parandaluar shtrenjtimin e faturave të energjisë elektrike për qytetarët.