Sindikata e KEK-ut publikon pamje të punëtorëve në shi e të ftohtë

Sindikata e Re e KEK-ut ka publikuar pamje dhe video të punëtorëve të Korporatës Energjetike të Kosovës duke punuar në kushte të motit të ftohtë dhe me shi. Përmes këtij publikimi, sindikata ka shprehur mirënjohje dhe respekt për përkushtimin e tyre në prodhimin e energjisë, duke theksuar se pa ta nuk ka energji.

Organizata sindikale ka ngritur shqetësimin për kushtet e punës dhe ka shtruar pyetjen publike nëse këta punonjës meritojnë ngritjen e pagave dhe pagën e 13-të. Krahas kësaj, ajo ka paralajmëruar se do të mbajë një protestë më 19 nëntor, përpara zyrave të KEK-ut, ku do të kërkojë rritje dhe nivelizim të pagave, si dhe pagën e 13-të.