Gucati: Situata mund të eskalojë nëse dënohen krerët e UÇK-së
Hysni Gucati paralajmëron revoltë qytetare dhe protesta të mundshme jashtë Kosovës në rast të një verdikti ndëshkues.
Redaksia ZHURMA · · Përditësuar · 1 min lexim
Kryetari i Organizatës së Veteranëve të Luftës së UÇK-së, Hysni Gucati, ka deklaruar se situata mund të eskalojë dhe se nuk do të rrinë duarkryq në rast se ish-drejtuesit e Ushtrisë Çlirimtare të Kosovës shpallen fajtorë nga Gjykata Speciale në Hagë. Gucati theksoi se në rast të një vendimi dënues mund të ketë demonstrata, thirrje për protestë dhe revoltë qytetare, të cilat sipas tij mund të shtrihen edhe në Shqipëri, Maqedoninë e Veriut dhe në trevat e tjera shqiptare.
Kjo deklaratë vjen pas paralajmërimeve të mëparshme të veteranëve për protesta lidhur me procesin gjyqësor ndaj krerëve të UÇK-së, ndërsa Gucati shtoi se shpreson që procesi të përfundojë me pafajësinë e tyre.
