Sa mund të marrin mërgimtarët dhe të rinjtë në grante për vetëpunësim?

KËRÇOVË — Qeveria e Maqedonisë së Veriut ka nisur një program grantesh për vetëpunësim që përfshin edhe mërgimtarët që dëshirojnë të investojnë në vendlindje. Për të rinjtë deri në 29 vjeç është paraparë një bonus prej 10% mbi shumën bazë të grantit, si nxitje për të nisur biznese.

Një nga të interesuarit, Valmir Useini, i cili planifikon të kthehet nga Gjermania për të hapur një biznes me produkte ushqimore, kërkoi sqarime nëse mund të përfitojë nga granti, pasi firma e tij është regjistruar por ende nuk ka filluar aktivitetin. Zyrtarët sqaruan se ai mund të konkurrojë si person fizik në masat që mbështesin punësimin.

Zëvendësministri i Ekonomisë, Marjan Ristevski, shpjegoi se programi ka tre kategori aplikimesh: të rinjtë deri në 29 vjeç mund të marrin deri në 10 mijë euro, personat mbi 29 vjeç deri në 7 mijë euro, ndërsa dy të rinj që bashkëpunojnë mund të marrin deri në 20 mijë euro në total. Ristevski theksoi se projekti ka ndihmuar shumë të rinj të përparojnë gjatë viteve.

Vesna Peshova, zëvendësdrejtoresha e Agjencisë për Punësim, sqaroi se disa kategori nuk kanë të drejtë të aplikojnë, përfshirë bujqit (që kanë ndihma të veçanta nga Ministria e Bujqësisë), prodhuesit e armëve, filialet financiare, bastoret dhe kazinotë, si dhe agjencionet private për punësime.

Kushti themelor për të aplikuar është të jesh i papunë dhe i regjistruar si kërkues aktiv i punës në Agjencinë për Punësim. Programi synon të nxisë krijimin e vendeve të reja pune dhe të mbështesë kthimin e mërgimtarëve.

Të rinjtë që kthehen nga diaspora, si rajonet me më shumë lindje në Maqedoninë e Veriut, shihen si potencial për zhvillim ekonomik, veçanërisht në qytete si Kërçova.

Burim: TV21, TV21
— Redaksia ZHURMA