Grabitje në një objekt afarist në rrugën “Nënë Tereza” në Gjakovë
Një grabitje dyshohet se ka ndodhur në një objekt afarist në Gjakovë, ndërsa Policia ka nisur hetimet për zbardhjen e rrethanave.
Redaksia ZHURMA · · 1 min lexim
GJAKOVË — Një rast që dyshohet të jetë grabitje ka ndodhur në një objekt afarist të vendosur në Gjakovë, në rrugën “Nënë Tereza”. Zëdhënësja e Policisë, Vlera Krasniqi, ka theksuar se informata është pranuar rreth orës 17:15 përmes linjës zyrtare telefonike.
Pas pranimit të informatës, njësitet policore reaguese i janë përgjigjur menjëherë rastit. Nga hetimet e para të zhvilluara në terren, dyshohet se bëhet fjalë për një grabitje.
Aktualisht, Policia e Kosovës po ndërmerr të gjitha veprimet e nevojshme operative dhe hetimore me qëllim të zbardhjes plotësisht të rrethanave të ngjarjes.
