Grabitet me armë zjarri një bankë e nivelit të dytë te Komuna e Parisit
Një person i maskuar ka grabitur nën kërcënimin e armës një bankë në Tiranë dhe është larguar me monopatinë.
Redaksia ZHURMA · · Përditësuar · 1 min lexim
TIRANË — Një bankë e nivelit të dytë në zonën e Komunës së Parisit në kryeqytet është grabitur me armë zjarri. Rreth orës 10:45, një shtetas i maskuar ka hyrë në ambientet e filialit bankar dhe, nën kërcënimin e një sendi në dukje armë, ka marrë një shumë parash.
Sipas detajeve nga terreni, autori mbante fytyrën të mbuluar me shall dhe i ka drejtuar armën në kokë arkëtares për të marrë paratë. Te dera, ai ka bllokuar edhe rojen e bankës duke i drejtuar armën që të mos bënte lëvizje, ndërsa pas ngjarjes është larguar duke përdorur një monopatinë në drejtim të stadiumit Dinamo.
Forca të shumta policore kanë mbërritur në vendin e ngjarjes, kanë ngritur pika kontrolli dhe kanë orientuar shërbimet me qëllim identifikimin dhe kapjen e autorit. Grupi hetimor po punon për dokumentimin e plotë të rastit.
