Pse e quajti Gjorgjievski befasues anulimin e autobusëve të rinj në Shkup?
Kryetari i Shkupit distancohet nga vendimi, thotë se procedurën e udhëheq Ministria e Transportit.
SHKUP — Kryetari i Qytetit të Shkupit, Orce Gjorgjievski, ka reaguar ndaj anulimit të procedurës për furnizimin me autobusë të rinj, duke e cilësuar atë një vendim "befasues".
Në emisionin Click Plus në TV21, Gjorgjievski theksoi se procesi nuk udhëhiqet nga bashkia, por nga Ministria e Transportit dhe Lidhjeve përmes Qeverisë. "Sinqerisht, edhe për mua ishte befasuese", deklaroi ai, duke shtuar se për projektet që i udhëheq vetë mund të garantojë afate.
Sipas informacioneve që ka marrë nga ministri, Komisioni për Ankesa dhe Parashtresa për Furnizime Publike vendosi ndërprerjen e procedurës, gjë që do të vonojë procesin me 30 deri në 50 ditë shtesë. Gjorgjievski shprehu shpresën që "procedura e tretë të jetë e suksesshme", por theksoi se nuk mund të japë informacione të sakta sepse nuk ka detaje.
Burim: Telegrafi
— Redaksia ZHURMA