Gjini pret të rinjtë amerikanë nga Fort Dodge i shtetit Iowa
Grupi nga Fort Dodge i shtetit Iowa po qëndron në Kosovë në kuadër të një programi tradicional të shkëmbimit rinor.
GJAKOVË — Kryetari i Komunës së Gjakovës, Ardian Gjini, ka pritur në një takim zyrtar një grup të rinjsh amerikanë nga qyteti Fort Dodge i shtetit Iowa. Këta të rinj po qëndrojnë në Gjakovë në kuadër të shkëmbimit tradicional që organizohet mes të rinjve vendorë dhe atyre nga Shtetet e Bashkuara.
Përmes një postimi në rrjetin social Facebook, Gjini u shpreh se kjo vizitë është një dëshmi e fortë se miqësia mes dy vendeve ndërtohet përmes njerëzve, kulturës dhe përvojave të përbashkëta. Ai shtoi se rinia mbetet ura më e fuqishme që lidh Kosovën me Amerikën, duke krijuar mundësi të reja për bashkëpunim.
Burim: Epoka e Re
— Redaksia ZHURMA
