Aktorja turke dhe Butrint Imeri ngjallin dyshime për lidhje
Një video e aktores Su Burcu Yazgi Coşkun nga Prishtina ka nxitur aludimet për një romancë me këngëtarin Butrint Imeri.
Redaksia ZHURMA · · 1 min lexim
PRISHTINË — Aktorja turke me origjinë shqiptare, Su Burcu Yazgi Coşkun, ka tërhequr vëmendjen e ndjekësve në rrjetin social Instagram me një video të publikuar nga Prishtina. Në pamjet ku ajo shfaqet duke lëvizur brenda një veture në kryeqytetin e Kosovës, vëmendjen e ka marrë dora e një personi. Detajet e vërejtura dhe tatuazhi kanë ngjallur dyshimet se personi në fjalë mund të jetë këngëtari shqiptar Butrint Imeri.
Kureshtjen e ndjekësve e ka shtuar edhe fakti se dyshja ka nisur të ndjekë njëri-tjetrin në Instagram prej disa ditësh. Emrat e tyre janë përfolur edhe më herët për një romancë të mundshme, ndonëse deri më tani asnjëri prej tyre nuk ka bërë ndonjë reagim apo konfirmim publik lidhur me këto aludime.
