Çfarë diskutoi gjenerali amerikan me komandantin Jashari për FSK-në dhe NATO-n?
Komandanti i FSK-së Bashkim Jashari takoi zyrtarin e lartë të USEUCOM Chris McKinney për të diskutuar bashkëpunimin dhe planet e anëtarësimit në NATO.
Redaksia ZHURMA · · Përditësuar · 1 min lexim
PRISHTINË — Komandanti i Forcës së Sigurisë së Kosovës, Bashkim Jashari, ka pritur në takim Zëvendës Shefin e J5/8 të Komandës Evropiane të Shteteve të Bashkuara, Chris A. McKinney. Gjatë takimit u diskutua bashkëpunimi i deritanishëm mes FSK-së dhe USEUCOM-it, si dhe nevoja për thellimin e tij.
Gjenerallejtënant Jashari e njoftoi McKinney-n për zhvillimet dhe të arriturat e FSK-së, me fokus në planet për të ardhmen dhe aspiratat për anëtarësim në NATO. Dy gjeneralët vlerësuan gjithashtu kontributin e FSK-së në kuadër të Forcës Ndërkombëtare Stabilizuese për Gazën, ku pritet së shpejti të dislokohet kontingjenti i parë.
McKinney falënderoi Jasharin për bashkëpunimin gjatë fazës finale të Planit Gjithëpërfshirës të Tranzicionit të FSK-së, duke ritheksuar përkushtimin amerikan për mbështetje të vazhdueshme.
Burim: Zëri
— Redaksia ZHURMA
