Gjendet trupi i pajetë i një gruaje te Ura e Fshajtë
Trupi u nxorr nga lumi Drini i Bardhë nga zjarrfikësit, ndërsa Policia e Kosovës ka nisur hetimet për zbardhjen e rrethanave të vdekjes.
GJAKOVË — Trupi i pajetë i një gruaje është gjetur të premten në lumin Drini i Bardhë, në afërsi të Urës së Fshajtë në Gjakovë. Ekipi i zjarrfikësve ka ndërhyrë menjëherë për të nxjerrë trupin e viktimës nga uji.
Personeli mjekësor në vendin e ngjarjes ka konstatuar vdekjen e viktimës, ndërsa Policia e Kosovës ka rrethuar zonën. Pas njoftimit, në vendngjarje kanë dalë njësitet përkatëse policore për të mbledhur provat e para.
Në konsultim me Prokurorin e Shtetit, autoritetet kanë iniciuar rastin si “Hetim i vdekjes” për të ndriçuar rrethanat e kësaj ngjarjeje. Policia Rajonale në Gjakovë nuk ka dhënë ende detaje për identitetin e gruas apo shkaqet e mundshme të tragjedisë.
Burim: Klan Kosova
— Redaksia ZHURMA