Ministria: Pjesëtari i FSK-së shpallet i pafajshëm në Britani
Gjykata në Mbretërinë e Bashkuar ka liruar pjesëtarin e FSK-së, pasi Prokuroria konfirmoi se nuk do të paraqiste prova.
Redaksia ZHURMA · · Përditësuar · 1 min lexim
Një pjesëtar i Forcës së Sigurisë së Kosovës me inicialet B.H. është shpallur i pafajshëm nga Gjykata Crown Court në Norwich të Mbretërisë së Bashkuar. Sipas njoftimit të Ministrisë së Mbrojtjes, vendimi u mor të hënën, më 16 nëntor 2026, pasi gjatë seancës gjyqësore Prokuroria konfirmoi se nuk do të paraqiste prova kundër tij.
Pas këtij konfirmimi, gjykata urdhëroi regjistrimin e vendimit lirues lidhur me akuzën për veprën penale të përdhunimit, duke i dhënë fund të gjitha procedurave gjyqësore ndaj tij. Ministria e Mbrojtjes ritheksoi përkushtimin e saj ndaj sundimit të ligjit, pavarësisë së drejtësisë dhe respektimit të parimit të prezumimit të pafajësisë.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar