Gashi: Nga sot fjala i takon Gjykatës Kushtetuese për afatin e tejkaluar

Deputeti i Lidhjes Demokratike të Kosovës, Arben Gashi, ka deklaruar se që nga sot fjalën e ka Gjykata Kushtetuese. Ai tha se që nga 5 gushti, fituesi i zgjedhjeve është përballur me një afat kushtetues të tejkaluar. Sipas tij, kjo nuk është më çështje retorike politike, por çështje e zbatimit të Kushtetutës. Gashi shtoi se pas vendimit të Gjykatës do të dihet rruga përpara dhe përgjegjësia politike për secilin. Ky reagim vjen pas miratimit të Qeverisë Kurti 4 me 62 vota, për të cilën opozita është ankuar në Gjykatën Kushtetuese.