Gashani: Rama po sillet si fëmijë i pakënaqur, Lojërat do të mbahen

Ministri i Sportit dhe Rinisë, Blerim Gashani, ka reaguar pas deklaratës së kryetarit të Prishtinës, Përparim Rama, i cili u shpreh se Kosova rrezikon të humbasë organizimin e Lojërave Mesdhetare 2030.

Gashani ka garantuar se Lojërat Mesdhetare do të mbahen dhe se përkushtimi për organizimin e këtij eventi mbetet i plotë dhe i palëkundur. Sipas tij, publikimi i korrespondencës së Komitetit Ndërkombëtar të Lojërave Mesdhetare nga Rama përbën një qasje problematike me dramaticitet të panevojshëm dhe alarm të pabazë, duke shtuar se kreu i Prishtinës po sillet si fëmijë i pakënaqur.