Baton Zabërgja synon kreun e golashënuesve në Ukrainë

VUSHTRRI — Sulmuesi nga Vushtrria, Baton Zabërgja, synon kreun e golashënuesve në kampionatin ukrainas pas paraqitjeve produktive me skuadrën e tij Metalist 1925 Kharkiv.

Lojtari ka arritur të grumbullojë shtatë gola dhe katër asistime brenda nëntë ndeshjeve të zhvilluara në kampionat dhe Kupën e Ukrainës, pas një periudhe ambientimi dhe rritjeje të minutave në fushë.

Paraqitjet e tij janë shpërblyer me vlerësime individuale, përfshirë katër përzgjedhje në formacionin më të mirë të javës dhe po aq herë shpalljen si lojtari i ndeshjes. Krahas angazhimit në Ukrainë, sulmuesi vushtrrias po merr hapësirë edhe te Kosova, ku është aktivizuar titullar në tri nga katër ndeshjet e fundit, duke e cilësuar përfaqësimin e vendit si realizim të një ëndrre të kahershme.