Pse paralajmërohen qytetarët te Liqeni i Badovcit?

Komuna e Prishtinës kërkon mirëkuptim për lëvizje të armatosura në zonë gjatë dy ditëve të ardhshme.

Redaksia ZHURMA · 21 maj 2026, 17:50 · Përditësuar 14 qer 2026, 02:00 · 1 min lexim

PRISHTINË — Komuna e Prishtinës ka lajmëruar se Forca e Sigurisë së Kosovës (FSK) do të zhvillojë stërvitje në zonën e Liqenit të Badovcit sot dhe nesër. Në njoftimin e kryeqytetit thuhet se do të ketë lëvizje të shtuar dhe përdorim të armëve, por iu bëhet thirrje qytetarëve të mos shqetësohen, pasi bëhet fjalë për ushtrime të kontrolluara nga institucionet përgjegjëse.