FSK dhe BMEC zhvillojnë stërvitje të përbashkët për kërkim-shpëtim malor në Prevallë

Pjesëtarët e Forcës së Sigurisë së Kosovës dhe efektivët e Bazës së Mbështetjes dhe Emergjencave Civile të Shqipërisë kanë realizuar një stërvitje të përbashkët për kërkim-shpëtimin malor në Prevallë të Prizrenit. Stërvitja është zhvilluar nga data 2 deri më 5 nëntor 2026 me fokus te shkëmbimi i përvojave dhe praktika në terrene malore.

Bashkëpunimi ushtarak dhe i emergjencave civile ndërmjet dy vendeve përshin aktivitetet operative me fokus përmirësimin e kapaciteteve në terren me reliev të thyer. BMEC nga Shqipëria dhe FSK nga Kosova kanë organizuar këtë stërvitje fushore për të rritur ndërveprueshmërinë mes strukturave përkatëse në rastë se paraqitet nevoja për ndërhyrje urgjente.

Gjatë stërvitjes katërditore në zonën malore të Prevallës, ekipet kanë kryer shkëmbimin e përvojave profesionale dhe kanë bërë testimin e pajisjeve të reja mbrojtëse e logjistike, siç njoftoi Ministria e Mbrojtjes e Shqipërisë. Po ashtu, efektivët kanë praktikuar teknikat e specializuara të kërkim-shpëtimit malor, ku përfshihet edhe simulimi i evakuimit të një personi të dëmtuar apo të lënduar në terren të vështirë.

Ministri i Mbrojtjes i Shqipërisë, Ermal Nufi, bëri të ditur se aktivitetet e tilla kontribuojnë drejtpërdrejt në konsolidimin e marrëdhënieve dypalëshe dhe në ngritjen e shkallës së gatishmërisë për reagim në situata emergjente për dy strukturat e sigurisë.

Ermal Nufi deklaroi në një postim në Facebook se kjo stërvitje «shërbeu për shkëmbimin e përvojave, testimin e pajisjeve të reja dhe praktikimin e teknikave të kërkim-shpëtimit, përfshirë evakuimin e një personi të dëmtuar në terren malor». Ministri i Mbrojtjes i Shqipërisë e vlerësoi këtë si «një aktivitet që forcon bashkëpunimin në shërbim të jetës, si dhe kontribuon në forcimin e kapaciteteve profesionale, rritjen e ndërveprueshmërisë dhe konsolidimin e bashkëpunimit ndërmjet dy strukturave».