Pse Muriqi pushon dhe kur rikthehet Rashica te Kombëtarja?
Trajneri gjerman sqaron mungesat e "senatorëve" për miqësoret e qershorit.
PRISHTINË — Përzgjedhësi i Kombëtares së Kosovës, Franco Foda, ka sqaruar mungesat e lojtarëve kyç për ndeshjet miqësore të qershorit. Ai tha se ka pasur kontakte të vazhdueshme me futbollistët dhe se largimet lidhen me lodhjen e sezonit ose lëndime.
Vedat Muriqi, sulmuesi i RCD Mallorca-s, ka vendosur të pushojë pas një sezoni të gjatë. "Pas verës, ai do të rikthehet në Kombëtare", tha Foda.
Milot Rashica, Fidan Aliti dhe Florent Hadergjonaj mungojnë gjithashtu. Rashica është i lënduar prej kohe, Aliti u dëmtua në ndeshjen e kaluar. Të tre i kanë konfirmuar trajnerit se nuk dëshirojnë të largohen nga Kombëtarja dhe pritet të jenë të gatshëm për grumbullimin e shtatorit.
Dardanët do të luajnë më 31 maj në Çeki, ndërsa më 7 qershor presin Andorrën në stadiumin "Fadil Vokrri".
Burim: Telegrafi
— Redaksia ZHURMA