Pse çekët janë test i rëndësishëm për Kosovën para Ligës së Kombeve?
Përzgjedhësi Franco Foda shprehet i bindur se Dardanët janë gati për sfidën miqësore në Pragë.
PRAGË — Përzgjedhësi i Kosovës, Franco Foda, foli nga Praga një ditë përpara ndeshjes miqësore kundër Çekisë. Tekniku gjerman theksoi se skuadra ka zhvilluar përgatitje të mira gjatë ditëve të fundit, me fokus të veçantë në aspektin taktik.
"Jemi përgatitur mjaft mirë dhe kemi punuar intensivisht në aspektin taktik. Shpresoj që nesër skuadra t'i zbatojë në lojë të gjitha ato që kemi ushtruar gjatë stërvitjeve", deklaroi Foda.
Ai e cilësoi Çekinë si "një skuadër cilësore, me intensitet të lartë në lojë", por shtoi se kjo përballje paraqet "një test i rëndësishëm dhe një mundësi e mirë për të treguar se mund të garojmë dhe të luajmë në nivele të tilla". Ndeshja shërben si provë për sfidat e Ligës së Kombeve që nisin në shtator.
Burim: Zëri
— Redaksia ZHURMA