Manchester United vëzhgon katër lojtarë të Borussia Dortmundit

Manchester United ka dërguar vëzhgues në ndeshjen e barazimit 2-2 mes Bayern Munich dhe Borussia Dortmund për të vlerësuar katër lojtarë, ndërsa synon të përforcohet në afatin kalimtar të janarit. Sipas TEAMtalk, në radarin e klubit anglez janë vendosur sulmuesi Serhou Guirassy, mesfushorët Jobe Bellingham dhe Felix Nmecha, si dhe mbrojtësi i majtë Daniel Svensson.

Klubi i ka ndjekur tre lojtarët e parë për njëfarë kohe, por marrëveshjet për ta do të ishin të vështira dhe të kushtueshme. Ndërkohë, Svensson po konsiderohet si një zgjidhje e mundshme për krahun e majtë të mbrojtjes, pasi United po shqyrton alternativa pas humbjes së mundësisë për të transferuar Lewis Hall të Newcastle. Megjithatë, një transferim për mbrojtësin suedez shihet më shumë si një mundësi verore sesa si një prioritet i janarit. Në këtë ndeshje të Bundesligës ishin të pranishëm edhe vëzhgues nga Arsenali, Manchester City, Liverpooli, Chelsea dhe Tottenhami.