Fisnik Asllani flet për vështirësitë dhe humbjen e Hoffenheimit

Futbollisti kosovar Fisnik Asllani ka realizuar golin e tij të parë sezonal dhe të parin në garat kontinentale me fanellën e Hoffenheimit. Pavarësisht paraqitjes së mirë dhe golit të shënuar në minutën e 68-të, skuadra gjermane nuk ka mundur të shmangë disfatën 3:2 nga Beshiktashi në kuadër të xhiros së dytë të fazës së ligës në Ligën e Evropës. Sulmuesi realizoi pasi mori topin pranë zonës kundërshtare dhe bëri lëvizje individuale, por dy gola të shpejtë nga Oh Hyeon-Gyu i dhanë fitoren ekipi turk.

Kjo disfatë vjen pas një tjetër humbjeje me të njëjtin rezultat ndaj Hamburgut, ku Asllani kishte kontribuar me një asistim. Më parë, ai kishte shënuar edhe për Përfaqësuesjen e Kosovës në barazimin ndaj Austrisë në Prishtinë. Pas ndeshjes evropiane, Asllani ka theksuar se mungesa e përqendrimit në momentet vendimtare po i kushton skuadrës pikë të rëndësishme.