Edon Zhegrova projektohet titullar për ndeshjen kundër Lazios

Futbollisti Edon Zhegrova është shndërruar nga një zëvendësues në një lojtar potencial kyç për skuadrën e Juventusit brenda pak javësh. Pasi u la jashtë listës për Ligën e Evropës, ai i ka bërë përshtypje trajnerit me paraqitjet e tij në pjesën e dytë kundër Sassuolos, Atalantas dhe Cagliarit.

Kështu, trajneri Luciano Spalletti e ka projektuar Zhegrovën si startues në ndeshjen e radhës në kampionat kundër Lazios, sipas raporteve të medieve në Itali. Kjo do të ishte ndeshja e tij e parë këtë sezon nga minuta e parë, ndërsa trajneri pret një tjetër paraqitje të mirë nga futbollisti kosovar.

Zhegrova deri më tani ka dy gola dhe një asistim në Serie A. Në ndeshjen e fundit kundër Cagliarit, ai i dha impuls lojës me t'u inkuadruar dhe krijoi raste shënimi. Ai ka pesë ndeshje të luajtura dhe 117 minuta lojë në kampionatin italian këtë sezon, ndërsa Juventusit iu bashkua verën e shkuar. Ndeshja mes Juventusit dhe Lazios i takon xhiros së shtatë në Serie A.