KFOR zbulon detaje nga takimi i gjeneralit Vergori me ushtrinë serbe
Misioni i KFOR-it ka publikuar hollësi nga biseda e zhvilluar mes komandantit Roberto Vergori dhe shefit ushtarak serb, Milan Mojsilovic.
Redaksia ZHURMA · · 1 min lexim
Komandanti i KFOR-it, gjeneralmajor Roberto Vergori, ka mbajtur një takim me shefin e Shtabit të Përgjithshëm të Forcave të Armatosura të Serbisë, Milan Mojsilovic. Gjatë këtij takimi, bisedimet janë fokusuar te ruajtja e marrëdhënieve të bashkëpunimit profesional dhe respektit të ndërsjellë ndërmjet palëve.
Sipas njoftimit të publikuar, dialogu i zhvilluar synon të mundësojë komunikim transparent dhe në kohë, si dhe koordinim efektiv me Forcat e Armatosura të Serbisë. Misioni i KFOR-it ka rikonfirmuar gatishmërinë dhe angazhimin e tij për të bashkëpunuar me të gjitha komunitetet, duke përmbushur detyrat e veta me profesionalizëm dhe paanshmëri për të siguruar një mjedis të qetë dhe të sigurt për çdo qytetar në Kosovë.
