FIFA heton Argjentinën për parullën 'Malvine' dhe dhunën në finale

NJU XHERSI — FIFA ka hapur hetim ndaj Argjentinës për dy veprime krejtësisht të ndryshme nga njëra-tjetra: shpalosjen e një banderole politike dhe dhunë mes lojtarësh pas finales së Kupës së Botës kundër Spanjës. Nënkampionët e botës janë nën akuzë, dhe pritet që rasti të shqyrtohet nga Komisioni i Disiplinës i FIFA-s, me një vendim që nuk pritet të jetë i butë.

Banderola me mbishkrimin "Ishujt Malvine janë argjentinase" doli në fushë pas fitores 2-1 ndaj Anglisë, ndeshje që i çoi "gauçosit" në finalen e Kupës së Botës. Burimi e cilëson parullën "tepër të njohur".

Akuza e dytë lidhet me përleshjet pas finales, ku Argjentina humbi 1-0 ndaj Spanjës në Nju Xhersi. Të proceduar janë Leandro Paredes, me tri akuza për sulm, Nahuel Molina, me dy, dhe anëtari i stafit teknik Roberto Ajala, me një.

Burim: Gazeta Tema
— Redaksia ZHURMA