Fico: Për Kosovën nuk do t’ju zhgënjejmë kurrë

Kryeministri i Sllovakisë, Robert Fico, ka marrë pjesë në tubimin parazgjedhor të listës “Aleksandar Vuçiq – Serbia e Bashkuar”, të mbajtur në Novi Sad, duke i shprehur mbështetje të hapur kandidatit për kryeministër, Aleksandar Vuçiq, para zgjedhjeve që do të mbahen më 25 tetor. Fico e nisi fjalimin në gjuhën serbe, duke theksuar se ishte i lumtur që arriti të merrte pjesë pavarësisht angazhimeve në samitin e Bashkimit Evropian, dhe shtoi se mbron sovranitetin e Serbisë dhe të drejtën e saj për të vendosur vetë.

Gjatë fjalimit të tij, kryeministri sllovak deklaroi se e mbështet Vuçiqin për mbrojtjen e sovranitetit të Serbisë dhe u shpreh: «Kur është fjala për Kosovën, nuk do t’ju zhgënjejmë kurrë. Tek unë do të keni gjithmonë një mik të sinqertë».