Pse u konfiskuan veturat dy shoferëve në Ferizaj?
Njësia Rajonale e Komunikacionit ndërmorri veprime ndaj dy shoferëve që kishin masa mbrojtëse të ndalimit të drejtimit në fuqi.
FERIZAJ — Njësia Rajonale e Komunikacionit Rrugor ka konfiskuar dy automjete dhe ka shqiptuar gjoba prej 500 eurosh secilit nga dy shoferët që u ndaluan më 1 qershor 2026 për kundërvajtje të rënda në trafik.
Rasti i parë u evidentua në rrugën magjistrale në fshatin Babush. Policia ndaloi A.F., 26 vjeç, duke drejtuar një BMW 320 me shpejtësi 85 km/h në zonë me kufizim 50 km/h. Verifikimi zbuloi se ndaj tij ishte në fuqi masa mbrojtëse e ndalimit të drejtimit për periudhën 8 maj – 5 gusht 2026. Përveç gjobës dhe pesë pikëve negative, iu vazhdua masa mbrojtëse edhe për gjashtë muaj.
Rasti i dytë u regjistrua rreth orës 18:10 në rrugën magjistrale të Ferizajt. E.M., 21 vjeç, po drejtonte një Volkswagen Golf duke përdorur telefonin mobil gjatë ngasjes. Edhe ky shofer kishte ndalim drejtimi në fuqi, për periudhën 28 prill – 27 korrik 2026. Dënimi ishte identik: 500 euro gjobë, pesë pikë negative, vazhdim i masës mbrojtëse për gjashtë muaj dhe konfiskim i automjetit.
Burim: Zëri
— Redaksia ZHURMA