Pse po rritet euroskepticizmi te qytetarët e Maqedonisë së Veriut?
Sondazhi i fundit nga Eurothink tregon se gati 28% e qytetarëve besojnë se vendi nuk do të anëtarësohet kurrë në Bashkimin Evropian.
SHKUP — Hulumtimi i fundit i institutit Eurothink tregon për një rritje të euroskepticizmit në Maqedoninë e Veriut. Sipas të dhënave, rreth 28% e qytetarëve mendojnë se vendi nuk do të anëtarësohet kurrë në Bashkimin Evropian, ndërsa 23.3% besojnë se anëtarësimi mund të realizohet brenda pesë viteve të ardhshme.
Dimitar Nikolloski nga ky institut thekson se po rritet zhgënjimi i qytetarëve me procesin e integrimit evropian, pasi qasja e BE-së ndaj vendit po shihet si arrogante, jo e drejtë dhe kushtëzuese. Anketa po ashtu zbuloi se televizionet mbeten burimi kryesor i informimit të qytetarëve për temat politike.
Burim: Telegrafi
— Redaksia ZHURMA