Ekoregjioni pezullon shërbimet e mbeturinave në katër komuna
Kompania Rajonale e Mbeturinave “Ekoregjioni” ka ndërprerë shërbimet në katër rajone për shkak të obligimeve financiare.
Redaksia ZHURMA · · 1 min lexim
Kryeshefi i Kompanisë Rajonale të Mbeturinave “Ekoregjioni”, Burim Shala, ka bërë të ditur se shërbimet e grumbullimit dhe transportit të mbeturinave do të pezullohen në Prizren, Suharekë, Malishevë dhe Rahovec. Ky vendim mbetet në fuqi deri në një njoftim tjetër.
Sipas kompanisë, vendimi vjen pasi deponia e KMDK-së në Landovicë nuk lejon hyrjen e automjeteve të “Ekoregjionit” për shkak të detyrimeve financiare të papërmbushura.
