Dy punëtorë nga Kosova lëndohen rëndë në Slloveni
Të dy janë shtetas nga Mamusha, lënduar gjatë punës me vinç në një kantier ndërtimi
Redaksia ZHURMA · · Përditësuar · 1 min lexim
LUBJANA — Dy punëtorë nga Kosova kanë pësuar lëndime të rënda në një aksident të ndodhur në një kantier ndërtimi pranë Bezhigradit në Lubjanë të Sllovenisë. Sipas raportimeve nga mediat sllovene, ngjarja ka ndodhur gjatë punës me vinç, kur disa rrjeta të rënda armature kanë rënë mbi dy punëtorët, duke i lënduar rëndë.
Pas aksidentit, të dy janë dërguar me urgjencë në Qendrën Klinike Universitare të Lubjanës (UKC Ljubljana), ku po marrin trajtim mjekësor. Sipas autoriteteve, gjendja e tyre shëndetësore është e rëndë dhe jeta e tyre raportohet të jetë në rrezik.
Burim: Sinjali, https://sinjali.com/dy-punetore-nga-kosova-lendohen-rende-ne-nje-kantier-ndertimi-ne-slloveni/ — Redaksia ZHURMA
