Dron i paidentifikuar rrëzohet në Rumani nga një avion luftarak F-18
Një dron që hyri në hapësirën ajrore rumune është rrëzuar nga një avion luftarak spanjoll F-18.
TIRANË — Një dron që kishte hyrë në hapësirën ajrore të Rumanisë, pranë kufirit me Ukrainën dhe Moldavinë, është rrëzuar nga një avion luftarak spanjoll F-18, njoftoi Ministria rumune e Mbrojtjes. Sipas autoriteteve rumune, droni kishte ardhur nga drejtimi i Moldavisë dhe është rrëzuar në orën 05:01 me orën lokale. Ministria bëri të ditur se mbetje të mundshme të tij kanë rënë në një zonë të pabanuar të rajonit të Galatit, pranë kufirit me Ukrainën. Ministria spanjolle e Mbrojtjes vlerësoi operacionin, duke deklaruar se forcat ajrore spanjolle treguan “profesionalizëm të jashtëzakonshëm” në mbrojtjen e hapësirës ajrore evropiane. Komanda Ajrore e NATO-s konfirmoi se në mision morën pjesë dy avionë F-18 spanjollë.