Prizren: DKA hap konkursin për arsimimin falas të të rriturve
Drejtoria Komunale e Arsimit në Prizren ka shpallur konkursin publik për regjistrimin e kandidatëve në programin e arsimit dhe aftësimit për të rritur.
Redaksia ZHURMA · · 1 min lexim
PRIZREN — Drejtoria Komunale e Arsimit ka njoftuar hapjen e konkursit publik për regjistrimin e kandidatëve në programin e arsimit dhe aftësimit për të rritur, për nivelet I dhe II, të cilat përfshijnë shkollimin nga klasa e parë deri në klasën e nëntë. Sipas njoftimit zyrtar, regjistrimi do të zhvillohet në ambientet e Shkollës Fillore dhe të Mesme të Ulët “Mati Logoreci”, ndërsa afati i paraparë për aplikim shtrihet nga data 30 tetor deri më 30 nëntor 2026.
Programi ofrohet pa pagesë dhe u jep mundësi qytetarëve që nuk kanë mundësi ta përfundonin arsimin bazë gjatë moshës së rregullt që ta vazhdojnë dhe përmbyllin atë. Personat e interesuar që kërkojnë të dhëna apo informacione shtesë rreth procesit mund të drejtohen pranë shkollës “Mati Logoreci” ose në vetë Drejtorinë Komunale të Arsimit.
